Irakaslearen klaseko eta kanpoko lana (4. ekarpena)

Irakasle bat gehienetan ikasgelan lan egiten ikusiko dugu, baina ze motatako lana egiten du klasetik kanpo dagoenean? Galderari honek gure jakin-mina piztu du.

Hurrengo artikulua, Irunen kokatutako Txingudi haur ikastolan eman digute eta tutoreare ekintza plana-ri buruzkoa da.


Klasetik kanpoko lanak, ia klasean egiten den lanaren ainako garrantzia daukala uste dugu, irakasle batek zeregin asko dituelako umeei klasea emateaz aparte. Adibidez, ebaluazio informeak osatzea, datorren eguneko klaseak antolatzea, gurasoekin bilerak egitea, aholku koadernoa osatzea, etab… Lan horiek egiteari esaten diogu klasetik kanpoko lana egitea .

Gai honetan aztertuz eta sakonduz, artikulu hau aukeratu dugu hezkuntzaren aurrera pauso batzuk azaltzen dituelako programazioaren bidez eta irakasle baten lanaren alor ezberdinak azaltzen dituelako. Irakasle izatea ez delako umeekin bakarrik ondo konpontzeko gai izatea, baita ere ikasleen gurasoekin, beste irakasleekin eta administrazioarekin lan egiteko prest egotea.

Bestalde, nahiz eta irakasleak klase barruko eta kanpoko lana ondo egin, hezkuntzaren munduaren barruan sartzen diren protagonista diren pertsonen laguntza (gurasoak eta ikasleak) behar dute, bere lana aurrera eraman ahal izateko. Adibidez, irakasle batek ezin izango duelako guraso oldarkor batekin bere semeari buruzko bilera emankor bat antolatu.

Esan beharra dago artikulu honetan gure ustez funtsezko hiru ideia aurkitu ditugula.

1 – Antolamendu handia egon behar da eginkizunei begira. Zereginak banakakoak eta taldekoak direlako eta antolaketa on batek protagonisten arteko gatazkak saihestu ditzake. Gainera zeregin horiek oso egokiak iruditzen zaizkigu eskola baten garapena lantzeko.

2 – Irakasleak, gurasoak eta ikasleak batera lan egiten dut eta elkarlan honek,  irakaslearen lana errazagoa egiten du. Horrela, ikaslea gusturago egongo da tutorearekin eta bere progresio akademikoa handiagoa izango da. Hau ikustean gurasoak eskolarekin, semearekin eta semearen tutorearekin pozik egongo dira.

3 – Programa jakin batzuekin, ikasleek haien arteko gatazkak konpontzeko eta erlazioa hobetzeko lan egiten da. Azken finean, programa hauen helburua umeak kulturalki, sozialki, akademikoki eta soziologikoki hobetzea da.


Bukatzeko esan beharra dago, argi daukagula ideia garrantzitsu bat. Hezkuntza denok gara, ez bakarrik irakasleak edo eskolak. Hezkuntza azkenean denon elkarlanaren fruitua da eta denok progresio bat lortu dugu hezkuntza munduan, irakasle, ikasle eta guraso bezala.