1.ekarpena: Irakasleen eta gurasoen arteko erlazioa

Gure ekarpen hau, gurasoen eta irakasleen arteko erlazioan zentratu nahi dugu.

Zergatik?

Dakigun bezala, urtero tutoreen eta gurasoen arteko bilera egoten da eta garrantzitsua da gure ustez, umeen gurasoen eta ikasle horien irakasleen arteko erlazioa nolakoa izan daitekeen azaltzea. Irakasle batek bere bizitza profesionalean, azaldu behar ditugun erlazio mota guztiak bizi izango dituelako.

Ume horren konportamendua, egoera eta eboluzioa aztertu ahal izateko, irakasle eta gurasoen arteako elkarlana funtsezkoa da. Eta erlazio hori ona edo txarra izatea gauzatzen duten faktoreak  komunikazio era desberdinak dira.

Hasteko, hurrengo ekarpenean  komunikazio era horien egoerak eta burutzen duten pertsonen ezaugarriak aztertuko ditugu, ondoren bilera batean zer nolako ondorioak izango lituzkeen aztertuz.

Hurrengo bideo honek, gaia bideratzera lagundu digu agertzen diren adibideak aztertuz eta youtubetik buelta bat ematen aurkitu dugu.

Orain, lehen aipatutako komunikazio mota desberdinak azalduko ditugu:

Hiru dira komunikazio era horiek, lehena komunikazio agresiboa, bigarrena inhibitua eta azkenik asertiboa.

1). Soberako tentsioa eragiten du eta komunikazio era honetan hitz-egitean gure proposamena era oldarkor batean inposatu nahi dugu. Egoera honetan konpetentzia eta borroka jarrerak,  lankidetza eta laguntzeko gogoak baztertzen dituzte.

Eta zergatik egoera hau? Erreza da, gure usteak eta nahiak besteenak baino garrantzitsuagoak direla uste dugulako. Ondorioz, era oldarkor batean ezartzen ditugu eta ez zaigu axola norma etikoak edo besteen eskubideak bortxatzea. Azken finean, gure aurka doan pertsona eta bere nahiak ahultzea da gure nahia era honetako komunikazioan.

Esan beharra dago, kasu guztietan komunikazio era hau erabiltzen duten pertsonak azkenean erru sentimendu bat jasaten dutela eta aldiz jarrera oldarkor hori jasan duen pertsonak erresumin sentimendua izango du.

Irakasle guraso erlazioa:

Ez dago inongo komunikazio positiborik. Tutorea eta gurasoak, bakarrik bere interesak defendatzen dutelako eta ez dute inolako konponbiderik bilatzen daukaten arazoa konpontzeko. Haien heburu bakarra, bere ideia bestearen gainetik jartzea da, bideoan ikusten dugun bezala.

2). Normalki, komunikazio inhibidoa erabiltzen duten pertsonak arduratsu bizi dira besteen nahiak betetzeko eta ez dira gai beste pertsona baten ikuspuntua eta nahia ezezteko. Edo pertsona horri aurre egiteko.

Horregatik, esan dezakegu pertsona hauek ez dituztela haien eskubideak eta nahiak defendatzen horretarako beste pertsona bateri aurre egin behar badiote. Eta gizaki hauetan askotan besteengan duten beldurrak, errespetua gainditzen du.

Autore batzuk, komunikazio era hau ez asertiboa bezala definitzen dute. Pertsona hauek ez dutelako komunikazio gaitasun errealik, beste pertsona guztiak bere gainetik daudela uste dutelako. Beraietaz ahazten dira eta ez dira gai besteei ezetz esateaz bere interes profesionalen edo akademikoen aurka baldin badoa ere. Eta komunikazio era hau,agresiboa bezala edozein erlazio motatan sartuz gero, emaitza txarra izango da.

Guraso irakasle erlazioa:

Komunikazio era honetan gurasoari edo irakasleari, besteak esaten duen  guztia ondo irudituko zaio eta ez du inolako parte hartzerik izango bilera horretan. Ondorioz, era oldarkorrean bezala ez du laguntzarik prestatuko bere semeari edo ikasleari buruz hitz egiteko eta ez dute inolako soluziorik aurkituko seme edo ikasle orreri laguntzeko.

3). Esan daiteke hau komunikatzeko era egokia dela.

 Komunikazio era hau erabiltzen duen pertsona aske sentitzen da bere ideiak defendatu eta azaldu ahal izateko eta edozein maila linguistiko eta sozialeko pertsonekin komunika daiteke.

Gainera, besteak errespetatu egiten ditu eta baita bere burua ere, ez modu inhibido edo agresiboan bezala. Eta boterea espresatzen du, hori bai, besteei inposatu gabe egitea lortzen du.

Azkenean , hau dena definitu ahal izateko, esan daiteke komunikazio asertiboa era zuzen, garbi eta kontziente batean gure ideiak espresatzen jakitea dela, besteen ideiak baliogabetu gabe.

Ondorioz, erlazio ona izango da, kordialtasuna eta errespetua direlako komunikazio era honen faktore garrantzitsuenak, eta denok dakigun bezala bi ezaugarri horiek komunikatzeko eta bizitzeko ezinbestekoak dira.

 Guraso irakasle erlazioa:

Dudarik gabe irakasle eta gurasoen arteko erlazio batean komunikazio asertiboa erabili behar dela argi dago, horrela umeari buruz era formal eta errespetagarri batean hitz egin ahal izateko eta azkenean konklusio garbi eta positibo batzuk atera ahal izateko. Gainera era asertiboa erabiliz erlazio hori ona eta garbia izango dela ziurtatuta dago, horrela bilera positibo gehiago segurtatuz.

Amaitzeko esan behar dugu, komunikazio on bat ezinbestekoa dela erabaki apropos eta zuzenak atera ahal izateko, ez irakasle eta gurasoen artean bakarrik, bizitzako atal guztietan.

Bestalde, askotan pertsonak ez gera gai egoera batzuk hobetzeko eta ondorioz lehen aipatutako bi komunikazio era negatiboak (inhibidoa eta agresiboa) erreflexu moduan erabiltzen ditugu, ia era automatiko batean.

Gehiago jakiteko, hona hemen wikipedian gai honi buruz aurkitutako informazioa:

http://es.wikipedia.org/wiki/Asertividad