Autoritarismo falta (3.ekarpena)

Bigarren ekarpenean aztertu dugun antiautoritarismoaren gaiarekin kontrajarrita, hona hemen beste ikuspegi batetik egun ikusten den arazo larria: autoritarismo falta eta, gainera, joera hau ezagutzen duten ikasleei ezezten zaien laguntza.

Argi daukagu hezkuntzak eboluzio nabarmen eta jasanezin bat izan duela, non muturreko egoera batetik beste batera pasatu garen: lehen maisuek eta gurasoek bazuten autoritate osoa eta eskolara joatea ez zen eztabaidarako gai bat; orain, ordea, autoritate hutsune handi bat dago eskola eta etxe askotan, eta honek oso ondorio txarrak ekarri ditzake.

Gai honi buruz, Emilio Calatayud Pérez-ek (Granada-ko adingabeen epaileak) egindako konferentzia oso interesgarri bat aurkitu dugu Youtube-n:





Emilio Calatayud-ek ondo azaltzen du autoritarismoaren falta nabarmen hori, bai familian, bai eskolan. Honek zerikusia du agian adingabekoei eman zaizkien gehiegizko eskubideekin, horain ezinezkoa baita autoritatea etxean erabiltzea multa bat ordaintzeko beldurrik izan gabe (“Si me tocas te denuncio” esaldiarekin dugu adibide hona), nahiz eta adingabekoek Zigor Kodean agertzen diren artikuluei uko egin.

Gero eta eskola-porrot gehiago aurkezten dira nerabe askoren bizitzetan, eta kausa nabarmen bat autoritate falta hori da. Normalean autoritate honi uko egiten dioten ikasleek ez dute etxean inongo autoritaterik ezagutzen, eta horregatik harreman konstantean egon behar dira eskola eta familia, zentroak jakin behar baitu nolako egoeran dauden ikaslak haien etxeetan eta bertan falta diren baloreak edota edukiak irakastekon eta gainontzeko beharrak asetzeko. Gainera, irakasleek jakin behar dute errespetua barneratzen haien ikasleengan, hasieratik autoritatea errespetatu arazten eta haien onurarako agindutakoa jarraitzen. Horrela, ikasleek errespetuaren eredua jarraituko dute, nahiz eta batzuekin besteekin baino gehiago kostatu eta ikasgelan bortitzkeria alde batera geratuko da.

Bestalde, familiak ere interes handia izan behar du ikasleak eskolan jarraitzen dituen ikasketetan, besteekiko errespetuan eta autoritatearen onarpenarean, eskola-porrota ekiditzeko asmoz, ikaslearen bizitzan eragin handiena izango duen taldea baita.

Hala ere,nahiz eta eskolan eta familian zentratu, E. Calatayud epaileak zalantza oso garrantzitsu bat aipatzen du: Nor arduratzen da gazteen eskolatzeaz hauek, familiak eta eskolak jakin gabe, klasetik kanpo daudenean? Jende askok beste alde batera begiratzen du, ez baitakite noren ardura den eta ez dute beraien ardura izan daitekeenik sentitzen.

Beraz, autoritarismo faltari gehitzen badiogu azken arazo hau, ikasleak jarrera bortitz bat aurkezteaz aparte, eskola-porrot larria agertuko da.

Hona hemen gai honi loturiko hainbat artikulu eta web interesgarriak:

"Ley de autoridad del profesor"-i buruzko eztabaida.
Autoritarismoaren falta dagoenean, irakasleei zuzendutako bortitzkeria agertu daiteke.
Gai berari buruzko informazio gehiago.